رفيق عبد السلام ، النهضة ، و قانون الجرذان

صديقي التونسي ، إذا كنت ذا خبرة أو معرفة جعلت منك مستشاراً في أحد الإختصاصات في أحد الدول ، أو باحثا في أحد المراكز العلمية في أحد الدول أو مسؤولاً  .....  فاعلم صديقي التونسي أنك خائن بالنسبة لبعض الجرذان من أبناء بلادك ، صديقي التونسي الذي تعمل في النازا  أنت خائن و عميل صهيوني مزدوج تريد تحقيق أهداف القوى الإمبريالية ، أيها الصحافيون التونسيون الذين تعملون بالجزيرة القطرية ، أنتم عملاء إسرائيل و خونة الإستعمار ( بالنسبة للجماعة إلي يخدمو في فرونس 24 أوموركم سي بون ، و لو انو علاقة فرنسا بإسرائيل أقوى من علاقتها بتونس أما نرمال فرنسا ميسالش متاعنا ) يا صحافي تونس بالجزيرة أنتم عار و دمار ، يا محمد كريشان أنت جاسوس تعمل لحساب قطر و إسرائيل ، أما أنت يا رفيق عبد السلام  فأنت زعيم الخونة !!!!   !!!!

 

إذن هاكذا يفكر بعض الجرذان في تونس . وثيقة تداولها البعض " الرابط "  على اساسها فإن رفيق عبد السلام  حسب قانون الجرذان هو قطري و ليس تونسي . لا أريد الدفاع عن هذا الشخص و لست أدافع عن سياسة قطر التي لا تعجبني في كثير من أوجهها ، و لست لأدافع عن الناتو فأنا أعلم جيداً أن هذا الحلف لا يعرف من حقوق الإنسان سوى ما إتفق مع مصالحه ....... مثل سائر القوى الدولية في هذا العالم

حين التأكد في الوثيقة فإن السيد رفيق عبد السلام  شارك في الندوة بصفته مدير مركز الدراسات في قناة الجزيرة إذن فمن الطبيعي أن تكون المشاركة باسم الدولة التي تعود إليها الجزيرة و هي قطر ، هذا أولاً ، أما ثانياً ، فالندوة خصصت للتعاون في إطار مبادرة اسطمبول ، و هي مبادرة اطلقها الناتو لفتح التعاون العسكري مع دول الخليج و شمال إفريقية . و الناتو هو حلف للدفاع المشترك متكون من جميع دول الإتحاد الأوروبي تقريباً زايد دول من خارج الإتحاد مثل تركيا و كندا ( إسرائيل لا تنتمي للناتو )  . و تونس موقعة على عديد الاتفاقيات الأمنية و العسكرية مع دول من حلف الناتو ....

يعني ما فهمتش شنوا الإكتشاف الكبير إلي اكتشفوه هالجرذان . ثم إن المؤتمر دولي و شارك فيه مراكز دراسات أخرى بخلاف مركز الجزيرة للدراسات ، و شارك في المؤتمر تونسي آخر عن قناة الجزيرة و هو إبراهيم هلال . و كما هو الحال للبريطاني ستيفن جون بلاك ويل، المشارك بإسم مركز الإمارات للدراسات و البحوث الإستراتيجية، و ليس ممثلاً لدولة لإمارات .  ثم إن شخص خبير في العلاقات الدولية من الطبيعي جداً أن يشارك في مؤتمرات دولية .... و إلا أنا غالط ؟! 

 و أعيد للمرة الثانية لست أدافع عن الشخص ، فأمامه سياسة خارجية للبلاد نحكم عليه من خلال كيفية ادارتها .  و هذا رد السيد عبد السلام على صفحته بالفايسبوك : رابط

نتعداو للنكبة الأخرى  ،  و تتواصل سلسلة البهامة 

تو خبرات تونسية شردها بن علي و استفادت منها بلدان أخرى ، ثم عادت إلى بلادها بعد الثورة أين المشكل في هذا ؟؟؟ إذن على حساب هذا فإن كل الخبرات التونسية إلي يخدمو في سويسرا أو فرنسا أو أمريكا أو غيرها من الدول هم خونة و نسقط عنهم الجنسية و ماهمش توانسة ؟!!!!!  أي راسي من قانون الجرذان !! 

لواحد يقعد باهت في المستوى إلي ينجم يوصلو التونسي بالبهامة ، يا حبيبي تكره النهضة ، نقص مالإشاعات  و الأكاذيب و التقلقيل و حاسبها بالورقة و الستيلو على تصرفات الحكومة في المرحلة المقبلة و انفاقها و قراراتها  ......  فمنذ مدة و الإشاعة تلو الأخرى ، مرة لطفي زيتون نسيب الغنوشي ، و مرة الحبيب خضر نسيبو ، و مرة خو الغنوشي بش يحل ماكدونالدز و مرة ما نعرفش درا شنوا ... يا أخي كفانا ، كفانا مالترهيز متع جد بوكم الكلب . تي قول حاجة تصلح، قول وزير الخارجية الجديد ما يعرفش يحكي بالفرونسي وقتها نوافقك و نقلك عندك ألحق ، قول حمادي الجبالي ما قدمش برنامج واضح للحكومة نوافقك  ، أما هالريق متع الإشاعات و الله ما هضمتو . كيف لاخر متع الثقب الحداثي قلك سمير ديلو عامل إعلان " توا ندخلوكم للجنة " و يحكي فيها في التلفزة فرحان ببهامتو . حاصيلو ملا جرذان عندنا في هالبلاد !!!!

و تو نرجعو للتهمة إلي وجهها المدعو منذر بالحاج علي في نسمة ، تفرج في العرض هذا : 

فـــــــــضــــــــيــــــــحـــــــة تــــــــاريــــــخــــيـــــة

منذر بالحاج علي إلي في نسمة البارح جايبها لوغة تخوين و موش عاجبو الناتو و يحكي بلوغة عمالة و الجو هاذاكا و خرج مشاركة رفيق عبد السلام كممثل لحكومة قطر في أحد منتديات الناتو و الحال إنو كان ممثل لموسسة اعلامية في اطار عملو بصيفتو رئيس مركز البحوث و الدراسات - مركز الجزيرة للدراسات 

السيد هذا طلع من عملاء الناتو الحقيقيين و هذه المرة بصيفتو الرسمية و كاحد ممثلي نظام بن علي بمشاركتو في اجتماع للناتو في تونس بتاريخ 19 جوان 2007 بعنوان " الحوار المتوسطي للناتو " بحضور " النظيف " كمال مرجان و لكلنا نعرفو إنو حكاية حوار المتوسط و الرويق هذا طلع باهم ساركوزي باش يساهم في تطبيع علاقة اسرائيل مع بلدان المغرب العربي 

بحيث هاو الرابط في الخانة 166

http://www.nato.int/med-dial/2007/070619_conference_participants_tunisia_fr.pdf

لعنة الله على الجرذان

منقول

Posted in: اخبار عامة